FC St Pauli 2 - 1 Union Berlín. Torná'l fútbol.

St Pauli: Tschauner; Schachen (82' Sliskovic), Morena, Volz, Thorandt; Daube, Funk (68' Bruns), Bartels, Naki (73' Saglik), Kruse; Ebbers.

Unión Berlín: Glinker; Pfertzel, Göhlert, Parensen, Trapp; Karl, Polenz (63' Mattuschka) , Belaid (70' Menz); Zoundi, Ede, Terodde.

Tres los caberos partíos del FC St Pauli, onde la imaxe del equipu entamaba a deteriorase, posiblemente pola baxa forma física, los paulís ficieron un partíu rellativamente completu, teniendo incuntables ocasiones de gol mentantes tol partíu. Ensin embargu, fueron los viusitantes capitalinos los qu'algamaron golpiar primero nel minutu 32, con gol de Karl. De toes, el St Pauli siguio siendo meyor fasta que nel minutu 59' un zurdazu de Kruse empató l'alcuentru. Continuando col partíu y coles ocasiones del Sankt Pauli, nel minutu 80 asocedió lo qu'equí comentamos:

Cuerre'l minutu 80 del partíu escontra'l FC St Pauli y el Union Berlín. Queden 10 minutucos pal final del alcuentru y cinco partíos (cuntando esti) pa que fine la Bundesliga 2. El FC Sankt Pauli ta xugándose nun descolgase del playoof pol ascensu del que sólo ta nesi momentu a 3 puntos, porque'l Fortuna Düsseldorf ta ganando, y nesti minutu 80, el marcador ta igualáu a 1. Son tremendes les ocasiones que ta teniendo'l equipu de barriu, y que sigui errando segundu a segundu. Salta la grada, salta Schubert, toos cuerren pal requexu, Ebbers acaba mandar a la rede un centru dende la banda. Yá sonaba Song 2. Pero dalgo pasa. Toxs vimos como Ebbers paecía remembrar a Maradona, a messi o a Agüero, emburriando la pelota cola mano a lo fondero la rede. L'árbitru y varios defenses charren con Ebbers, el delanteru paulí paez dayos la razón. L'árbitru tres falar col xugador señala mano y anula'l gol. Si tolos futbolistes fueramos d'esti palu too diría muncho meyor (y yo nun tuviera sancionáu dellos partíos va unos meses). Minutu 91. Gol de Bartels, 2-1. Sigui'l suañu, siguimos a un puntu.

Con ello, finó'l partíu. Los hinches del Sankt Pauli siguimos coles esperances, y ye que solo un puntu sepártanos de la gloria.