29 feb 2012

Empate a nada. Sankt Pauli 0 - 0 Eintracht Braunschweig

Un mal partíu. Pero pasen les xornaes y siguimos ehí enriba, ensin dormise vamosd ar muncha griesca.

Momentu espectacular del partíu:

20 feb 2012

Pliquett. L'Antifacista.

El porteru del Sankt Pauli, Benedikt Pliquett xubió va unes hores esta semeya a la so páxina en facebook (nun sé si ye oficial o non) con una camiseta de la web d'información antifacista MUT. 



La traducción n'asturianu ye: "CORAXE. Escontra la violencia la derecha"

18 feb 2012

Bye Bye Rangers...

Nun sé si exactamente tamos de norabona cola cayía financiera del Glasgow Rangers. El fútbol modernu pue acabar con el club pol cual el Celtic ye más grande entá. 

El casu ye que los equipos profesionales (y non profesionales) siguen cayendo como mosques, dalgún día sedrá de toxs nosotros, los que contribuyímos a los equipos de lxs aficionaxs los que temos nel altor de les lligues.


Duisburgo 0 - 1 FC St Pauli. El gol de Bolll ye más que tres puntos.

Un solitariu gol de Boll a los vente menutos de xuegu, pon momentaneamente al FC Sankt Pauli primeru de lliga.

Fc Sankt Pauli: Pliquett; Volz, Zambrano, Thorandt, Schachten; Funk, Bruns (79' Naki), Boll, Kruse, Bartels (69' Daube); Schindler (89' Rothenbach).

Duisburgo: Wiedwald; Berberovic, Soares, Hoffman, Bajic; Kern, Brosinski (72' Zahorski), Wolze, Parnic, Domovchiskyi (81' Jevtic); Jula (72' Baljac).

Gol: Boll 0-1. Men. 20
Tarxetes: Mariella a Pamic y Domovchiskyi del Duisburgo, y Volz del Sankt Pauli.

La xornada sorríe pel momentu al Sankt Pauli, tres algamar los tres puntos ante'l Duisburgo con un únicu gol de Boll, el Sankt Pauli púnxose llíder de la categoría tres enterase del empate del Paderborn, esontra'l Dresden nos menutos finales (2-2). Too ello, a falta de lo que faigan el sábadu l'Eintracht Frankfurt (nel so derbi escontra'l FSV Frankfurt), y el domingu el Greuther (vs Ingolsdtatdt) y Düsseldorf (vs 1860 Munich).

16 feb 2012

Documental sobro lxs aficionaxs del Sankt Pauli

Mui bon artículu sobro'l documental "Das ganze Stadion", del compañeru de FC St Pauli - Fora de Joc (podéis lleelu calcando nel enllaz)

Una de música. Cancíu antifa-hooligan dende Italia.

Esta ye uan de les nueves canciones del grupu italianu RedSka. Déxovos una traducción lo más fiable posible de la lletra debaxo, que ye interesante.




Nosotros somos los que tamos los domingos nel estadiu,

Non p'animar al equipu de les puerques perres.

Nes grades grises siempres mos atoparás,

si nun conocéis la nuesa hestoria, ¡darréu deprenderán!
Vieya escuela xamaicana (Rude Boys!)
Ideal anti-facista (Skinheads!)
rudos y rebeldes nos estadios,
toos xunxos cantamos!
Hooligan Rude Boys! Non al fútbol modernu!
Hooligan Rude Boys! Siempres Antifa! Oi, Oi!




Somos lxs mozxs trabayadores precarixs, esplotaxs!

Una selmana de trabayu duro que nun s'acaba!

Los nuevos rebeldes cantamos xuntos polos collores que llevamos nos nuesos corales,
bandera sobro'l costazu, cerveza en mano, pa dir pal estadiu!
Vieya escuela xamaicana (Rude Boys!)
Ideal anti-facista (Skinheads!)
y rebeldes nos tiempos duros,
toxs xuntos cantamos!
Hooligan Rude Boys! Non al fútbol modernu!
Hooligan Rude Boys! Siempres Antifa! Oi! Oi!




Nosotros somos a lxs que toxs llamen "cabeces rapaes", los Ultres!

Toxs xuníos por un solo glayíu: "¡Non a la tarxeta (*tessera, tarxeta d'dentificación d'ultres n'Italia)"!

Desconfíen los d'uniforme, pero nun yos tenemos miéu.
vamos caltenenos ensin camudar la nuesa mentalidá!
Vieya escuela xamaicana (Rude Boys!)
Ideal anti-facista (Skinheads!)
rudos y rebeldes nos estadios,
toos xunxos cantamos!
Hooligan Rude Boys! Non al fútbol modernu!
Hooligan Rude Boys! Siempres Antifa! Oi, Oi! 




Na derrota vamos siguir cantando!

Nun mos escondemos y entamamos a glayar!

La rabia ye una forma de llibertá ...
Taremos ensin voz, pero venceremos!
Les griesques, les nueses revueltes ...
rebelámonos en tolos campos!
Vieyos ideales, los valores de la edá,
los d'uniforme xamás mos detendrán!
Vieya escuela xamaicana (Rude Boys!)
Ideal anti-facista (Skinheads!)
rudos y rebeldes nos estadios,
toos xunxos cantamos!
Hooligan Rude Boys! Non al fútbol modernu!
Hooligan Rude Boys! Siempres Antifa! Oi, Oi! 



¡Xamás vamos ser esclavizaxs como tú!

12 feb 2012

Sankt Pauli 2 - 1 Bochum. Schachten tira de remontada.



St Pauli: Pliquett; Volz, Zambrano, Thorandt, Schatchen; Funk, Boll, Kruse, Bartels (90' Daube); Saglik (62' 

Naki), Schindler (78' Bruns). 

Bochum: Luthe; Maltriz, Acquistapace, Dabrowski, Freier; Azaouagh (72' Kopplin), Inui (85' Gelasvilhi), Vogt, Federico (82' Delura), Toski; Aydin.


Dende l'entamu'l partíu el FC Sankt Pauli salió bien arriba a presionar al Bochum, que a pesiar de la so intentona de xugar el balón polo baxo, ellaborando con mayor seguridá les cugaes nun tuvo munches oportunidaes de cara a puerta. Ensin embargu, nel minutu 20 Nun rechace de la defensa, Azaouagh enchufó un derechazu que paso perriba'l porteru paulí, faciendo'l 0-1. Tres la única xugada en curtio de los d'Hamburgo Schindler tuvo a piques meter la pelota na rede, pero'l porteru tuvo bien. Nel mesmu corner, Schachten llibre de marca remató solu poniendo l'empate, 1-1. Tres d'él, el Sankt Pauli siguía teniendo la pelota y ocasiones, pero los pelotazos llargos nun diben por bon camín.

Na segunda parte camudó'l xuegu del Sankt Pauli pa bien, taba nidio que Schubert nel descansu decidió tener más la posesión y ellaborar les xugaes enantes que perder balones tan fácil. Ocasiones de tolos collores, sobromanera pal delanteru Saglik, que nun foi quien a metela na rede. Malpenes 10 minutos Freier (73') foi espulsáu por doble mariella merecida. Esto fizo que s'incrementaren les ocasiones, fasta que nel minutu 80 Schacten tornara a marcar tres una falta de llibru, desplicada na semeya. Tres esti gol, el Bochum intentolo como pudo, pero con un home menos, y la poca calidá de los atacantes nun ocasionó peligru.

A esperes de los resultaos que queden, el Sankt Pauli vuelve a metese no alto de la clasificación con 42 puntos. 

Sigui los partíos en directu nel nel nuesu Facebook.

Recuérdovos qu'amás de poner enllazos pa siguir el partíu en directu, dende'l nuesu facebook vais poder siguir tamién comentarios minutu a minutu.

El partíu de güeiu podéis siguilu en http://www.firstrowsports.eu/watch/107271/1/watch-fc-st.-pauli-vs-vfl-bochum.html , nós vamos tar falando d'él nel facebook: Peña Sankt Pauli Asturies

El marineru d'Hamburgo que nun fizó'l saludu nazi.

Esta semeya lleva unos díes dando vueltes pela rede. N'ella pue vese como toos los fotografíaos faen el saludu nazi, demientres un barcu torna a la mar tres ser arregláu. Pero como entamaríen n'Asterix y Obelix... "¿toos? non..." un paisanu que nun ye que tuviera distrayíu crucia los brazos a sabiendes de lo que fae.

Fasta equí too ye rellativamente normal, y anque tenga un calter antifacista, nun tuviera munchu güecu nun blogue como esti. Pero si ponemos un llugar, como Hamburgo, y recordamos que ye un marineru, son delles les asemeyaures col Sankt Pauli. 

Nun too son floritures perguapes. Esti home perteneció al partíu nazi, hasta'l añu 1935, cuando foi espulsáu por casase con una moza xudía. Nesta semeya del 36 yá renegaba del nazismu como se ve, polo que foi encarceláu. 

Cómo-y pasare na so hestoria al nuesu clubi, col pasu'l tiempu fue decatándose de que'l so calter yera'l del mestizaxe, de que la so llucha yera la obrera... y probablemente de que'l so sitiu yera Sankt Pauli.

7 feb 2012

Alemania Aachen 2 - 1 FC Sankt Pauli


Aachen:
Waterman; Falkenberg, Olajengbesi, Feisthammel, Achenbach; Sibum, Demai, Streit (89' Kratz), Uludag (78' Radjabali-Fardi); Auer, Radu (90' Junglas).

St Pauli:
Pliquett; Funk, Zambrano (45' Morena), Thorandt, Volz; Boll, Daube (69' Schindler), Bruns, Kruse, Naki (57' Saglik); Ebbers.

Tarxetes: Mariella a Demai del Aachen. Marielles a Zambrano, Morena y Funk (St Pauli).

Goles: Min 13. Auer (1-0); Min 15. Demai (2-0); Min 39. Boll (2-1)

Nun foi un bon partíu por parte'l Sankt Pauli, y anque'l árbitru otra vegada que nun aidó en na a que pudieramos ganar, los del Aachen tuvieron incluso ocasiones pa marcar dalgún gol más. 
Nun escomenzamos bien depués d'esti descansu ivernal, pero yá vendrá lo bueno.

1 feb 2012

Takyi xugó 31' p'algamar el pase de Ghana

Nel segundu partíu de la priemra fase si participara'l xugador del Sankt Pauli. Anque saliendo dende'l bancu, por Muntari, y nun tando mui participativu, Charles contribuyó a que Ghana, a falta del caberu partíu, yá tea clasificada pa la siguiente ronda.